André-Jean VIDAL
Ka-w fè Landri,
Twa mò pannan minis andidan a Lafwans té an
visit kotésit. Yo fè Bèna Cazeneuve bèkèkè. Li ki prèmyé manblo a
Lafwans vin di ho é fò, i ké pwan pwoblèm a vyolans lasa asi kont
a-y, i ké bouwé adan-y. Ouwa! Lizyè a nonm é fanm a lalwa, sé rété
véyatif asi vòl, varaj asi chimen a gouvèlman-la - men fò di sa
vitman-présé - mové konpòwtasyon asi lawout osi. Pou larèstan, krim
é fòt entansyonèl, yo tibwen pli difisil pou siblé poudavwa sa pa
fasil anpéché-yo.
Ajouté moun, ki adan ran a sé polis-la, ki
koté sé jandam-la, ba-yo plis zouti pou goumé kont tout vyolans,
démiltipliyé vidéovéyatif... Wè! Pou mèt on akalmi an janm a sé
sendika-la, sé mèt moun kon tilili an lari-la é soulajé sitwayen
pou yo pa gè enkyèt. Sé kaméra-la la, pou anpéché gwoupman a mové
lawon oben rédé ankèt-la dèwvwè on ka fèt. Tousa Wè!
Aprésa, kon Mélina Seymour ki ka baylavwa
asi Lékòl a Valè, Asosiyasyon Alajennès é Solidarité a Granmoun té
ké di, nou ni pou rédé manman-papa, fanmi, tout mèt...
La rédaction vous conseille
- Le projet constitutionnel pour une autonomie de la Corse adopté par l'Assemblée insulaire
- Région : les efforts se concentreront sur des investissements prioritaires
- L'autonomie en question face à la menace financière de la dette de la France !
- Sénégal: les résultats officiels confirment une large victoire de l'opposant Faye au 1er tour
- Attal souhaite une nouvelle réforme "globale" de l'assurance chômage